Eskaini zirkuituak

Larrun (905 m-ko garaiera), kremailerazko Tren Ttikia erabiliz

Larruneko Tren Ttikia hartuz, honako hau ezagutuko duzu...

Larruneko gailurrak eskaintzen duen ikuspegi zoragarria
(*** Michelin gida berdean). Piriniotar mendikateko lehen gailurra dela, Larrun-ek, 905 metroko bere garaieratik, frantses eta espainiar itsasbazterra inoiz ikusi ez duzun bezala ikusteko aukera emanen dizu. Zure inguruan Euskal Herriko zazpi lurraldeak, Pirinioetako gailurrak, Landetako hondartza amaigabeak eta euskal itsasbazterra Biarritzetik Donostiaraino ikusiko dituzu. Gailurreko 3 bentetan tokiko ekoizkinak ezagutu eta erosten ahalko dituzu (jatetxeak eta oroigarri-dendak).

Xarma handiko kremailerazko trenak (jatorrizko kremailerazko trena da, kolekziokoa, 1924an egina) 35 minututan eramanen zaitu, 8 km orduko abiaduran, basa-izadian zehar. Igotzen zaren bitartean, euskal mendiko animalia eta landare bereziak ikusteko aukera izanen duzu. Mendian pottokak, ardiak eta saiak bizi dira.

SARA

Larruneko Tren Ttikia Sarako herrian dago, Donibane Lohizunetik 10 kilometrotara. Tren Ttikia hartuz, denbora ere hartuko duzu SARA, « Frantziako herri ederrenetarik bat » ezagutzeko.

"Saran Astia" dio atsotitzak. Balio du itsasbazterretik 15 kilometrotara dagoen lapurtar herri honetan gelditzea, egiazkotasun aire paregabea hartzeko.

Napoleon III.ak eta Eujeniak, Winston Churchill-ek, Pierre Loti-k, Luis Mariano-k... Horiek orok gustukoa zuten herri honen euskal nortasuna.

Zurbeso gorriak dauzkaten etxe xuriek, hauetarik batzuk XVI. mendekoak baitira, eta Pirinioetako lehen mendigune berde-berdeek bisitaria gonbidatzen dute tokiko edertasun, jatorrizkotasun eta bakantasuna preziatzera.

Euskal sukaldaritza oparoak eta ugari diren bestek bisitariak liluratzen dituzte

Sarako herrian bisitatzekoa :

Sarako Lezeak : urte osoan zabalik - Tel. 05 59 54 21 88 – Faxa 05 59 54 20 69
Ortillopitz, Sarako Euskal Etxea : martxotik azarora zabalik - Tel. 05 59 85 91 92 -
Faxa 05 59 85 91 93
Euskal bixkotxarenerakustokia : urte osoan zabalik - Tel. 05 59 54 22 09 – Faxa 05 59 54 29 36
Animalien Parkea : urte osoan zabalik - Tel. : 06 15 06 89 51

Ez duda gurekin harremanetan sartzen, atseginez lagunduko zaitugu zure ibilbidea prestatzen.

Aterbetzea : 3 izarrerainoko 6 hotel, 33 landetxe "Gîtes de France " sailkaturik, 43 altzariz hornitu apartamendu edo etxe Turismo Bulegoan zerrendaturik (tel. 05 59 54 20 14), 24 logela etxean, 300 oheko opor-herria, herri-barnean kokaturik eta 3 izarrerainoko 3 kanpaleku.

Harremanak : Isabelle
Tel. 05 59 47 51 16 - Faxa 05 59 47 50 76